تكلفة التسويق الإلكتروني في السعودية

1. ليه مفيش رقم ثابت لتكلفة التسويق الإلكتروني؟

تكلفة التسويق الإلكتروني مش باكدج ثابتة ، لأنها بتعتمد على:

• حجم نشاطك التجاري (شركة ناشئة، مؤسسة متوسطة، علامة تجارية كبيرة)

• عدد القنوات اللي هتستخدمها (سوشيال ميديا فقط، ولا معها جوجل، ولا إيميل… إلخ)

• قوة المنافسة في مجالك

• جودة المحتوى المطلوبة (تصاميم عادية ولا براندنج وتقارير وموشن وغيره)

• هل المطلوب بناء حضور رقمي طويل المدى ولا حملة قصيرة لمناسبة معينة

كل ما زادت المنافسة، وزاد احتياجك لنتائج سريعة، كل ما الميزانية بتحتاج تكون أعلى وأذكى.

2. متوسط أسعار الخدمات في السوق السعودي (أرقام تقريبية)

ملحوظه : الأرقام دي تقريبية بهدف توضيح الصورة ، وبتختلف من شركة للتانية حسب خبرتهم وجودة شغلهم

أولا: إدارة حسابات السوشيال ميديا

• شركات صغيرة / مشروع ناشئ: من 1,500 إلى 3,000 ريال شهريا

• شركات متوسطة: من 3,000 إلى 7,000 ريال شهريا
  الخدمة غالبا تشمل:
  إعداد خطة محتوى – عدد محدد من التصاميم – نشر – ردود أساسية – تقارير شهرية بسيطة

ثانيا: إنشاء المحتوى (تصاميم – فيديو)

• تصميم صورة واحدة: من 30 إلى 70 ريال تقريبا

• فيديو قصير (Reel / Story): من 150 إلى 500 ريال حسب الجودة والمدة

ثالثا: إعلانات جوجل Google Ads

• ميزانية الإعلانات نفسها: من 1,000 إلى 10,000 ريال شهريا أو أكثر

• أتعاب إدارة الحملة: من 15% إلى 30% من ميزانية الإعلان

رابعا: إعلانات سناب شات وإنستغرام وفيسبوك

• ميزانية الإعلانات: من 1,000 إلى 20,000 ريال

• أتعاب إدارة: من 15% إلى 25% من الميزانية

3. إيه اللي يخلي السعر عالي عند بعض الشركات؟

فيه خدمات إضافية بتفرق في السعر وجودة النتيجة:

• وجود استراتيجية تسويقية مكتوبة قبل ما نبدأ

• إعداد Customer Persona و Journey واضحة

• محتوى مخصص للسعودية (لغة + أمثلة + ثقافة)

• تقارير تحليلة مفصلة (مش بس screenshots)

• متابعة وتحسين للحملات بشكل أسبوعي

• مدير حساب مخصص يتابع مشروعك

لو الشركة بتقدم كل ده، طبيعي يكون السعر أعلى، بس في المقابل بتاخد قيمة حقيقية مش مجرد بوستات وصور.

4. إزاي تحدد ميزانية مناسبة لمشروعك؟

• حدد هدفك بوضوح:
  – هل هدفك زيادة المتابعين؟
  – ولا جذب عملاء واستفسارات؟
  – ولا مبيعات مباشرة من متجر إلكتروني؟

• احسب قيمة العميل بالنسبة لك:
  لو العميل الواحد بيكسبك 500 ريال، طبيعي تستثمر رقم محترم في التسويق طالما بيجيب عملاء.

• فكر في التسويق كاستثمار مستمر، مش تجربة شهر وهقف.

5. كيف تختار شركة التسويق الإلكتروني المناسبة لك؟

قبل ما تتفق مع أي شركة:

1. اطلب أمثلة حقيقية لحملات في السوق السعودي

2. اسأل عن نتائج تم تحقيقها، مش بس تصاميم جميلة

3. اتأكد إن عندهم فهم بالأرقام (CPC, CTR, ROAS… إلخ)

4. اتفق على آلية متابعة واضحة:
   – تقارير أسبوعية أو شهرية
   – اجتماعات مراجعة

5. اختار شركة بتتكلم معاك بلغة بسيطة ومباشرة، وتفهم مشروعك قبل ما تعرض السعر.